U3F1ZWV6ZTI1OTQ4MTU1NTA1X0FjdGl2YXRpb24yOTM5NTY4MDIzNDY=
recent
أخبار ساخنة

ممثل مصري يزور سورية ويدعو الناس لزيارتها.. من الآخر سوريا أمان !


تحدث ممثل مصري أردني عن تفاصيل رحلة قام بها لدمشق، مؤكداً على أن "سوريا أمان".


وقال الممثل باسل الزارو عبر حسابه في إنستغرام: "‏لما شاركت خططي علي السوشيال ميديا لقيت في رسائل كتيرة قوي من سوريا باعتينلي‎، إنت ليه مبتجيش ‏سوريا

هو إنت خايف تيجي؟؟ ففكرت بيني و بين نفسي، أيوه بصراحة أنا خايف!

هو أنا مش المفروض ‏أخاف يعني باللي بيحصل فيها! بس جه في راسي وقت الثورة وما بعد الثورة في مصر لما كانت الدنيا أمان ‏قوي بس الميديا دايما مطلعة إنه خطر أي حد يزور مصر و ده كله كان كذب! والسياحة اتضربت و اتبهدلنا"‏

وأضاف قائلاً : "فقمت مكلم صحابي السوريين و سألتهم، أخبار الدنيا عندكم إيه؟ كله قال نفس الكلام، الدنيا أمان وعايشيين حياتنا عادي وكل اللي بتسمعه دي إشاعات و كذب، وقعدوا يعزموا عليا إني أجي وفجأه بقى ‏عندي مليون بيت مفتوحلي في سوريا، بعدها بكام ساعة كلمني ماجد عجلاني مذيع في راديو ميلودي إف إم ‏‏-شاب محترم ولطيف جدا وبيعشق شغله- قالي إحنا سمعنا إنك بتفكر تيجي، إحنا عازمينك من أول ما ‏تتحرك من بيروت لحد ما نرجعك تاني، وكمان هنفسحك".‏

وتابع : "فقولت يلا بينا العمر واحد والرب واحد‎ بس الحقيقة واللي شفته و اللي مكنتش متوقعه، إنه بجد سوريا حلوة قوي و ناسها مفيش أطيب منهم وفيها ‏تاريخ كبير وعريق وجميل، وشبه مصر جدا بشوارعها، بحواريها ومناطقها الشعبية اللي بجد تفتح ‏النفس، ورغم كل الظروف الصعبة اللي عدوا و بيعدوا بيها لسه الضحكة علي وشوشهم و لسه كرمهم ‏مغرق ضيوفهم".‏

وختم: "شكرا سوريا شكرا لشعب سوريا الجميل وربنا يفتحها في وشكم ويباركلكم، من الآخر، ‏سوريا أمان و ناسها جدعان ولو بتفكر تزورها، جمد قلبك و اتكل علي الله‎ ‎ده رأيي الشخصي".‏

المصدر : وكالات
ليست هناك تعليقات
إرسال تعليق

إرسال تعليق

الاسمبريد إلكترونيرسالة